Rusiyadakı İctimai Rəy Fondunun keçirdiyi sorğunun nəticələrinə görə, hazırda rusların 77%-i prezident Vladimir Putinə etibar edir.
Elchi.az xəbər verir ki, Fondun sorğusu nəticəsində respondentlərin 12%-i prezidentə “etibar etmirəm” cavabı verib.
Bununla yanaşı, respondentlərin 81%-i hesab edir ki, Putin öz vəzifəsində “kifayət qədər yaxşı”, sorğu iştirakçılarının 10%-i isə prezidentin “kifayət qədər zəif” işlədiyini düşünür. Respondentlərin daha 9%-i cavab verməkdə çətinlik çəkib.
Sorğu 12-14 avqust tarixlərində Rusiyanın 53 regionunun 104 yaşayış məntəqəsində 18 və yuxarı yaşda olan 1,5 min respondent arasında yaşayış yeri üzrə müsahibə üsulu ilə keçirilib. Statistik səhv 2,5%-dən çox deyil.
