Müvafiq tədbirlər 1988-ci ildə Moskva ilə Vaşinqton arasında bağlanmış müqavilədə nəzərdə tutulub.
Elchi.az xəbər verir ki, Rusiya 1988-ci ildə Moskva ilə Vaşinqton arasında bağlanmış müqaviləyə uyğun olaraq qitələrarası ballistik raketlərin (ICBM) və sualtı qayıqlardan buraxılan ballistik raketlərin (SLBM) buraxılması barədə ABŞ-ı xəbərdar etməyə davam edəcək.
Bu barədə jurnalistlərə Rusiya Xarici İşlər Nazirliyi (XİN) rəhbərinin müavini Sergey Ryabkov məlumat verib.
Onun sözlərinə görə, hələ fevral ayında elan edildiyi kimi, Strateji Silahların Azaldılması Müqaviləsi (START) dayandırılmasına baxmayaraq, Rusiya onun əsas şərtlərinə könüllü olaraq əməl edib.
“Rusiya Federasiyası könüllü əsasda müqavilədə müəyyən edilmiş strateji hücum silahlarına dair mərkəzi kəmiyyət məhdudiyyətlərinə əməl edəcək”, – Ryabkov bildirib.
Şayəstə
