“Bizim iqtisadi sahədə aktiv əməkdaşlığımız var”.
Elchi.az-ın məlumatına görə, bunu Rusiya Federasiyasının Azərbaycandakı səfiri Mixail Boçarnikov deyib.
Səfir ötən il siyasi əlaqələr dinamikasının yüksək olduğunu diqqətə çatdırıb: “Ötən il prezidentlər arasında aktiv təmas olub, Azərbaycan və Rusiya prezidentləri 4 dəfə görüşüblər. O cümlədən, parlament səviyyəsində də əməkdaşlıq yüksək olub, Parlament sədrinin Moskvaya səfəri, Rusiya Baş nazirinin müavinin Azərbaycana səfərləri olub. Müxtəlif aylarda Rusiya XİN rəhbəri Sergey Lavrov azərbaycanlı həmkarı ilə görüşlər keçirib, telefon əlaqəsi saxlayıb”.
M.Boçarnikov ötən il 11 ay ərzində iki ölkə arasında ticarət dövriyyəsinin 2,9 milyard ABŞ dolları olduğunu və dekabr ayı ilə birgə bu rəqəmin 3 milyarda çata biləcəyini vurğulayıb.
