Rusiya, Oman və OPEK-ə üzv 6 ölkə neft qiymətlərinə həsr olunacaq təcili iclasda iştirak etməyə razılaşıb.
`Bloomberg` xəbər verir ki, bu barədə Venesuela Neft Nazirliyi nazir Eluohio del Pinonun İrana səfərinin yekunlarına dair yaydığı məlumata bildirilir.
Danışıqlar başlayacağı təqdirdə Rusiya, Oman, İraq, Əlcəzair, Nigeriya, Ekvador, İran və Venesuela prosesdə iştirak etməyə hazır olduqlarını təsdiqləyiblər. Görüşün məqsədi neft hasilatının həcmləri məsələsində razılığa gəlməkdir. Rəsmi Karakasa görə hazırki neft qiymətləri bazarda qeyri-sabitlik yaradır.
Qeyd edək ki, Venesuela xarici işlər naziri Eluohio del Pino yanvarın sonlarında neft hasil edən ölkələrə səfərə edib. Fevralın birində o, Moskvada Rusiya energetika naziri Aleksandr Novak və neft şirkətlərinin rəsmiləri ilə görüşüb. Daha sonra o, Qatar, İrana səfər edəcək. Onun İraq və Səudiyyə ərəbistanını da ziyarət edəcəyi gözlənilir.
