Erməni mətbuatında yayılan xəbərlərə görə, Ermənistanda konstitusuya  referendumu keçirilənə qədər ölkəni bir sıra qanlı cinayətlər gözləyir.

Axar.az Regional Sabitlik və Təhlükəsizlik Mərkəzinə istinadən xəbər verir ki, referendum keçirməklə ölkəni parlamentli idarəetmə sisteminə keçirməyə çalışan Sərkisyan müxtəlif yollarla, nəzarət və idarəetməsində olan oliqarxlar və rəsmilərin iştirakı ilə xüsusi planlar hazırlayıb.

Planın əsas məqsədi ölkədə qarışıqlıq yaratmaqla əsas diqqətin bu istiqamətə yönəldilməsi ilə konstitusuya referendumunu gözardı etməkdir.

Ermənistan müxalifəti planın həyata keçirilməsində 10 mühüm hadisənin baş verəcəyindən ehtiyatlanır:

1) Referenduma qədər hansısa bir rəsminin və ya deputatın cinayəti istisna deyil. Bu hadisə vətəndaşlar üçün cinayət sayılsa da, hökumət üçün qurban sayılacaq. Yəni insan “ümumi işə” qurban veriləcək.

2) Birincidən fərqli olaraq, qan tökülərkən öz “yaxın”larından qurban veriləcək. Hakimiyyətin nəzərdə tutduğu qurbanlar həbs olunacaq. O şəxslərin keçmişi hökumət üçün bitmiş sayıldığından istifadəyə tamamilə yararsız sayılırlar. İstisna deyil ki, həbs olunacaq şəxs hanısa cinayət imicli olmasın. Buna misal olaraq Qaqik Beqlaryan (Ermənistanın hazırkı Nəqliyyat və Rabitə naziri, Respublikaçılar Partiyasının üzvüdür) və ya Ruben Hayrapetyan (Futbol Federasiyasının prezidenti, Respublikaçılar Partiyasının üzvüdür). Ola bilər ki, “qurban” polis müavini və ya hansısa nazir olsun.

Bildirilir ki, qalmaqalların bir hissəsi 2 məsələdə həll olunacaq:

1. Gələcək hakimiyyəti “yem qutusu”na layiq olmayanlardan azad etmək.

2. Xalqın “məşğulluq” məsələsini həll etmək.

3) Hansısa supermarketdə, hər hansı bir oliqarxın evində və ya nazirin obyektində böyük miqyaslı partlayış və ya ictimai binalarda yanğın törətmək.

4) Cəzaçəkmə müəssisələrində baş verən ölümlər təkrarlana bilər. Bu ölüm Nairi Hunanyana (1999-cu ilin 27 oktyabrda (ER Milli Məclisdə baş verən terrorun əsas təşkilatçılarından biri) və ya Karen Hunanyana (Nairi Hunanyanın qardaşı, 1999-cu ilin 27 oktyabrda ER Milli Məclisində baş verən terrorun əsas təşkilatçılarından biri) tətbiq olunacaq. Çünki bu şəxslər hələ Serj Sərkisyanın “istifadə fəaliyyəti faktoru” proqramında istifadə olunmayıblar.

5) Açıq-aydın terror qaçılmaz ola bilər. Bu terror partlayış və ya cinayət deyil, bir ruhi xəstənin “sui-qəsdi” kimi də təşkil edilə bilər. Bu da referenduma qədər Ermənistanı dəhşət içində saxlamağa yardımçı olacaq.

6) Kiçik skandalların bir qrupu. Məsələn, vətəndaşlara qarşı rəsmi zorakılıqlar. Yenidən Surik Xaçatryanın, Ruben Hayrapetyanın, Arakel Movsisyanın, Samvel Aleksanyanın və başqalarının “qəhrəmanlıqlarını”n ortaya çıxma ehtimalı var.

7) Birbaşa Sərkisyanın “əlyazması” olmayan skandallar gözlənilir. Məsələn, Ermənistanın siyasi xadimi, Respublikaçılar Partiyasının sədri olmuş Andranik Marqaryanın ölümündə əli olmadığı kimi. Hansı ki, nəticədə Sərkisyan Respublikaçılar Partiyasının sədri olmuşdu. Özünəqəsdlər, cinayətlərin sayı çoxalacaq. Hanısa bir avtobusun yanması, küçə atışmaları və s. buna misal ola bilər.

8) Respublikaçılar “intellektinin” Ermənistan Respublikasının Milli Məclisindəki fəallığı. Bu tip skandalların birbaşa konstitusiya islahatları ilə əlaqəli olacağı gözlənilmir.

9) Skandalların çoxu Serj Sərkisyanın şəxsi ilə bağlı olacaq. Bu tip performanslar Ermənistanı bütün dünyada “yüksəkliyə” qaldıracaq.

10) Möcüzələrlə bağlı olacaq. Samvel Aleksanyanın “əczaçıları” möcüzəli dərmanlar hazırlayacaq və ehtimal olunur ki, qalmaqalların bir hissəsi 2017-ci ilin parlament seçkiləriqabağı xalqı parçalamaq üçün “ehtiyatda saxlanılır”.

– See more at: http://axar.az/news/64642#sthash.CrfkCqXp.Dd7pbRj0.dpuf