Ovik Abramyanın çıxışı gecikmiş və mənasızdır.
Axar.az xəbər verir ki, bunu Ermənistan mətbuatına açıqlamasında erməni eksperti Maksim Sərkisyan söyləyib. Onun sözlərinə görə, erməni siyasətçilər seçkilərə az qalmış yenidən “vətən, millət” ifadələrini işlətməyə başlayırlar:
“Ovik Abramyan hansı korrupsiyadan danışır? Onlar ilk növbədə gərək öz qohumları və ailələri ilə mübarizə aparsınlar. Məhz onlar korrupsiya və monopoliya ilə məşğuldurlar. Əvvəllər parkların olduğu ərazilərdə indi binalar tikilib. Bunların dəyəri isə hətta Ermənistan büdcəsini də keçir. Bunlar kimə məxsusdur? Belə kasıb ölkədə onların pulu haradandır? Dördgünlük müharibə göstərdi ki, ordu nə vəziyyətdədir. Müharibə şəraitində olan ölkədə hökumət hətta ordunu belə talayıb”.
Qeyd edək ki, bundan öncə çıxış edən O.Abramyan korrupsiya və monopoliya ilə mübarizə aparmaq gərəkdiyini açıqlayıb.
