Banqladeşdə sabah keçiriləcək ümumi seçkilər öncəsi qatarın yandırılması nəticəsində 4 nəfər həyatını itirib.
Elchi.az xəbər verir ki, Banqladeşdə sabah keçiriləcək ümumi seçkilər öncəsi gərginlik artıb. Paytaxt Dəkkədə yerli vaxtla saat 21:00-da sərnişin qatarı yandırılıb. Cessordan paytaxt Dəkkəyə gedən qatarın 4 vaqonu alovlanarkən, alov sürətlə qatarı bürüyüb.
Qatarda olan insanlar yanğını söndürməyə çalışsalar da, qısa müddətdə hadisə yerinə gələn yanğınsöndürmə briqadası yanğına müdaxilə edib. Yanğınsöndürənlərin gərgin işi nəticəsində yanğın 2 saata söndürülüb. Yanan qatarda olan 4 nəfər həyatını itirərkən, yaralıların xəstəxanada müalicəsi davam edir. Yaralılardan 2-nin vəziyyətinin ağır olduğunu qeyd edən polis, hücum edənlərin axtarıldığını bildirib. Dəkkə polisinin müavini Mohid Uddin hadisəni seçkilər öncəsi ictimai çaxnaşmaya səbəb olmaq üçün “planlı yandırma” kimi qiymətləndirib və “Biz bu xain hücumda iştirak edənləri tapacağıq” deyib.
Banqladeşin baş naziri Şeyx Hasina seçkidən əvvəl baş verən qatar yanğınının qəza və ya yanğın olub-olmaması ilə bağlı araşdırma aparılmasına göstəriş verib.
Şayəstə Hüseynova
