Bu sistemlərin tədarükünün ABŞ-ın CAATSA çərçivəsində sanksiyalarına səbəb olacağından narahatıq.
Bu sözlər amerikalı senatorlar Mark Varner və Con Kornin Co Baydenə müraciətində əksini tapıb. Senatorlar S-400 hava hücumundan müdafiə sisteminin alınmasına görə Baydeni Hindistana qarşı sanksiyalar tətbiq etməməyə çağırıb.
Senatorlar xəbərdarlıq ediblər ki, CAATSA çərçivəsində Hindistana qarşı sanksiyaların tətbiqi iki ölkə arasında strateji tərəfdaşlığa zərərli təsir göstərə bilər.
“Ona görə də S-400 Triumf zenit-raket kompleksləri sistemi almağı planlaşdıran Hindistanı CAATSA-dan azad etməyinizi şiddətlə tövsiyə edirik”, – məktubda deyilir.
