Ukraynanın Odessa vilayətinin qubernatoru, Gürcüstanın keçmiş prezidenti Mixail Saakaşvili ölkənin Təhlükəsizlik Xidmətinin rəhbəri Vasili Qritsaka məktub yazaraq, mühafizədən imtina etdiyini bildirib.
Bu barədə o, Facebook səhifəsində bildirib.
`Mən heç kimdən və heç nədən qorxmuram və bundan sonra Odessada və bütün ölkə ərazisində mühafizəçilər olmadan hərəkət edəcəyəm`, -deyə Saakaşvili qeyd edib.
Qubernator bu addımı son hadisələrə, bəyanatlara, həmçinin əlində olan informasiyaya əsaslanaraq atmaq qərarına gəldiyini bildirib.
