“Ümumtəhsil məktəblərinin nümunəvi nizamnaməsində deyilir:
7. Ümumtəhsil məktəbində təhsilalanların hüquq və vəzifələri
7.1. Təhsilalanların hüquqları aşağıdakılardır:
7.1.1. təhsil alacağı ümumtəhsil məktəbini, tədris dilini, təhsilin təmayülünü, sinifdənkənar məşğuliyyəti sərbəst
seçmək;
7.1.2. dövlət təhsil standartlarına uyğun keyfiyyətli təhsil almaq;
Bunları həyata keçirmək sizin vəzifə borcunuzdur. Heç bir qanun sizin dövlət məktəblərində digər dillərdə vətəndaşın təhsil almağına mane olmağınıza imkan və icazə vermir. Şagirdlərin rus bölməsinə qəbulu zamanı heç bir müsahibə və müsabiqə təşkil oluna bilməz. Bunu etmək ölkə prezidentinin siyasətinə, qanunlara qarşı çıxmaq deməkdir”. Bunu Elchi.az-a açıqlamasında təhsil eksperti Kamran Əsədov deyib.
O, həmçinin əlavə edib:
“Uşaqlar məktəbə öyrənmək üçün gəlirlər. Əgər onlar məktəbə gələnə qədər bilik və bacarıqlara yiyələnəcəklərsə, onda məktəb nəyə lazımdır? Dünyanın inkişaf etmiş ölkələrində azyaşlı uşaqları imtahanlardan maksimum dərəcədə kənar tutuurlar ki, onlara psixoloji təsir göstərməsin, onlar gərginlik yaşamasın. Amma bizdə onları hər an imtahan stresinə salırlar. Tətbiq edilən yenilik çox ciddi fəsadlar törədəcək. Azyaşlı uşaqlar özlərini müsahibədə itirsəllər, müsbət rəy ala bilməsələr, onların valideiynləri uşaqları incidə, onların üzərinə qışqıra bilər”.
Havar Şəfiyeva
