Moldova prezidenti Maya Sandu Dnestr münaqişəsi qurbanlarının xatirəsini yad edib.
Elchi.az xarici mediaya istinadən bildirir ki, o, Dnestryanı münaqişənin veteranlarına mesaj göndərərək, hökumətin onlara qayğı göstərəcəyinə inandırıb.
Sandu bildirib ki, cəmiyyətin Moldovanın azadlıq və sülh yolu ilə getməsi üçün verdiyi bədəli unutmaq olmaz. O, heç kimin müharibə istəmədiyini qeyd edib.
“Biz sülh şəraitində yaşamaq istəyirik. Dnestr çayının hər iki sahilində yaşayan insanların bölüşəcək heç bir şeyi yoxdur. Biz uşaqlara təhlükəsiz və firavan gələcək bəxş etmək istəyirik. Dnestr çayının hər iki sahilində yaşayan insanlar harmoniyada yaşaya bilərlər. Biz çalışmalıyıq ki, azadlığa və qarşılıqlı hörmətə əsaslanacaq, vətəndaşların azad və dinc yaşayacağı, yalançı azadçılar, düşmənlər və təbliğat aparmayan bir cəmiyyət quraq.
Hörmətli veteranlar, 31 il əvvəl döyüş meydanında göstərdiyiniz fədakarlığa görə sizə təşəkkür edirik. Biz sizin hər birinizin sülh işinə verdiyi töhfəni yüksək qiymətləndiririk. Ölkənin problemlərinin həllində arxamızda olacaq veteranlara arxalana bilərik. Sizin üçün Moldova Respublikasının etibarlı müdafiəçiləri var. Dövlət veteranları dəstəkləyir”, – Sandu bildirib.
Sandu onu da qeyd edib ki, konstitusiya hakimiyyəti Dnestrdə vəziyyətin gərginləşməsinin qarşısını almaq üçün fəaliyyət göstərir, baxmayaraq ki, bunu istəyən “qaynar başlar” da olub. Sandu, əhalini təbliğatın təsirinə düşməməyə çağıraraq, müharibənin təkrarlanmasını istəmədiklərini də vurğulayıb.
Yeganə
