Ukraynanın Anti terror qüvvələri 40 zirehli texnikanı da məhv edib
Ukrayna hərbçiləri Luqansk ərazisinin Rovenki şəhəri ərazisində separatçıların yığma qoşun döyüşçülərinin böyük qrupuna hücüm ediblər, 40 zirehli texnika və 500 yığma qoşun döyüşçüsü məhv edlib.
ANS PRESS-in məlumatına görə, bu haqda Ukraynanın daxili işlər nazirinin məsləhətçisi Zoryan Şkiryak bildirib.
“Hərbi kəşfiyyat Rovenki ərazisində Rusiyameylli döyüşçülərinin böyük bazasını və düşmənin ağır texnikasının əhəmiyyətli yığışmasını aşkar edib. Anti terror qüvvələrinin dəqiq atəşi sayəsində 40 zirehli texnika, üç ZRK “Strela 10”, əksəriyyəti ekipajların üzvləri olan 500 Rusiya muzdlusu məhv edilib”, – deyə Şkiryak bildirib.
O həmçinin əlavə edib ki, İlovayskda Milli qvardiyanın “Donbass” taboru ələ keçirilmiş mövqeləri möhkəm saxlayır və Daxili İşlər Nazirliyinin və başqa bölmələrin köməyi ilə birgə terrorçulardan şəhərin təmizlənməsini davam edirlər.
“Bizim döyüşçülərimiz düşmənin canlı gücünün əhəmiyyətli miqdarını məhv etdilər, tanklar, zirehli maşınlar sıradan çıxarıldı. İlovayskda qüvvələrimiz bərkitmə işləri aparır. Daxili İşlər Nazirliyi və digər güc strukturlarının döyüşçuləri şəhərdə qayda-qanunun bərpası və Rusiya döyüşçülərinin məhv edilməsini davam etdirir”, – deyə Şkiryak bildirib.
