Serbiyanın Müdafiə Nazirliyi Silahlı Qüvvələrin müdafiə qabiliyyətini artırmaq məqsədilə ölkədə hərbi xidmətin icbari olması ilə bağlı prezident Aleksandr Vuçiçə təklif verildiyini açıqlayıb.
Elchi.az xəbər verir ki, Müdafiə Nazirliyindən verilən açıqlamaya görə, Serbiya Silahlı Qüvvələri fəal və ehtiyatda olan şəxsi heyətin gəncləşdirilməsi və təkmilləşdirilməsi üçün hərbi xidmətin məcburi olmasını istəyib.
Açıqlamada, “Silahlı Qüvvələrin müdafiə qabiliyyətinin artırılması hədəflənir. Bu çərçivədə Baş Qərargah Vuçiçə hərbi xidmətin məcburi və 4 ay davam etməsi üçün yazılı təklif təqdim edib.” ifadələrdən istifadə edilmişdir.
Müdafiə naziri Miloş Vuçeviç yerli televiziyaya verdiyi açıqlamada, “Bugünkü təşəbbüsdən sonra edilən təklif parlamentdə səsə qoyulmalı olacaq. Hərbi xidmətin məcburi olmadığı 13 ildən sonra ehtiyatda olan kadr yerini doldurmalıyıq. Ölkələrini qorumağa hazır olan yeni əsgərlər bizim üçün təhlükəsizlik ehtiyacıdır”- deyib.
Bu arada, 2010-cu ildə Serbiyada keçirilən parlamentdə keçirilən səsvermədə hərbi xidmətin məcburi olmamasına qərar verilib.
Nuranə Məmmədova
