Serbiyanın paytaxtı Belqrad yaxınlığındakı Mladenvaçda hərəkətdə olan avtomobildən avtomatik tüfəngdən atəş açması nəticəsində 8 nəfər ölüb, 13 nəfər yaralanıb.
Elchi.az xəbər verir ki,Serbiyanın Daxili İşlər Nazirliyindən verilən açıqlamada, Mladenvaçda avtomat silahı olan təcavüzkarın hərəkətdə olan avtomobildən atəş açması nəticəsində 8 nəfərin həyatını itirdiyi, 13 nəfərin yaralandığı qeyd edilib.
“Qasırğa” adlı əməliyyata başlanıldığı bildirilən açıqlamada hadisəni törədən 21 yaşlı U.B.-nin mühasirəyə alındığı, lakin onun təslim olmaq istəmədiyi və atəş açmağa davam etdiyi bildirilib.
Təhlükəsizlik qüvvələrinin və ilk yardım qruplarının ərazidə olduğu bildirilib.
Daxili işlər naziri Bratislav Qasiç hadisəni “terror aktı” kimi qiymətləndirib.
Nuranə Məmmədova
