Mərkəzi Cenevrədə yerləşən və BMT-yə xüsusi müşavirlik etmək statusuna malik olan Press Emblem Campaign dünyanın qaynar nöqtələrində həlak olan jurnalistlər haqqında hesabat yayıb.Avropa.info-nun Anadolu agentliyinə istinadən verdiyi xəbərdə bildirilir ki, 2014-cü ildə 32 ölkədə 128 jurnalist həlak olub.
Hesabatda bildirilir ki, Suriya, İraq, Fələstin, Pakistan və Ukraynadakı qanlı hadisələr zamanı xüsusilə xeyli jurnalist həlak olub.
Hesabatda jurnalistlərin ölüm sayına görə bir siyahı göstərilmişdir. Həmin siyahının başında 16 jurnalistin həlak olduğu Fələstinin Qəzza bölgəsi durur.
Siyahında 2-ci və 3-cü yerləri isə Suriya 13, Pakistan isə 12 jurnalistlə durur.
İŞİD-in İraqda genişmiqyaslı əməliyyatlarının qurbanı olan jurnalistlərinin sayı isə 10-dur. Ukraynada isə 4-ü rus olmaqla cəmi 9 jurnalist öldürülüb.
Siyahının alt sıralarında isə Meksika 8, Əfqanıstan 6, Honduras 5, Somali 5, Braziliya 4 və Mərkəzi Afrika Respublikası 4 jurnalistlə yer tutub.
Kamboca, Qvineya, Paraqvay və Filippinin kimi ölkələrin hər birində 3, Banqladeş, Kolumbilya, Hindistan, Liviya, Peru, Türkiyə və Yəməndə kimi ölkələrin hər birində isə 2 jurnalist öldürülüb.
Myanma, Demokratik Konqo Respublikası, Dominikan, Misir, Livan, Nigeriya, Panama, Rusiya, Salvador və Səudiyyə Ərəbistanı kimi ölkələrin hər birində isə 2014-cü ildə bir jurnalist şiddət hadisələrinin qurbanı olub.
QHT-nin keçən ilki hesabatında isə 129 jurnalistinin öldürüldüyü açıqlanmışdı.
