Şimali Koreya dünən həyata keçirdiyi Hwasong-18 tipli “bərk yanacaqlı qitələrarası ballistik raket”in sınağını açıqlayıb.
Elchi.az xəbər verir ki, Şimali Koreyanın rəsmi Koreya Mərkəzi Xəbər Agentliyinin (KCNA) xəbərində dünən səhər həyata keçirilən raket sınağı ilə bağlı məlumat verilib.
Sınaqdan keçən “Hwasong-18” tipli raketin hündürlüyü və uçuş müddəti “rekord” səviyyəyə çatıb.
Şimali Koreya lideri Kim Çen Inın Şimali Koreyanın Yapon dənizi (Şərq dənizi) istiqamətində atdığı ballistik raketin sınaq atışını izlədiyi və 75 dəqiqə havada qaldığı açıqlanıb.
Ballistik raket sınağının “Koreya yarımadasındakı hərbi təhlükəsizlik vəziyyətinin Soyuq Müharibə dövründən sonra nüvə böhranı mərhələsinə çatdığı” bir vaxtda həyata keçirildiyini qeyd edən KCNA, ABŞ-ın misli görünməmiş hərbi təxribatlarına da diqqət çəkib. Şimali Koreyaya qarşı qüvvələri güclənib.
Şayəstə Hüseynova
