Ermənistan parlamentinin sədri Alen Simonyan və onun rəhbərlik etdiyi nümayəndə heyəti iyulun 10-13-də Fransada işgüzar səfərdə olacaq.
Elchi.az xəbər verir ki, bu barədə Ermənistanın parlamentinin rəsmi saytında məlumat verilib.
Ermənistan nümayəndə heyətinin tərkibinə parlamentin Dövlət və Hüquq Məsələləri Komissiyasının rəhbəri Vladimir Vardanyan, Milli Assambleyanın Xarici Əlaqələr Komissiyasının rəhbəri Sərkis Xandanyan, deputatlar Arusyak Manavazyan və Armen Rüstəmyan, həmçinin parlament sədrinin mətbuat katibi Tsovinar Xaçatryan, Milli Assambleya sədrinin müşavir-köməkçisi Hamlet Gevorqyan və digərləri daxildir.
Mətbuat xidməti nümayəndə heyətinin səfərinin məqsədi barədə məlumat vermir.
