Türkiyədə keçiriləcək prezident seçkisinin II turu fonunda Sinan Oğanın kimə dəstək verəcəyi ilə bağlı iddialar gündəmə gəlib.
Elchi.az Globalinfo.az-a istinadla xəbər verir ki, bu barədə məlumatı “Cümhuriyyət” qəzeti yayıb.
Məlumata görə, Oğan artıq hakim Cümhur İttifaqına simpatiya bəsləyir və hazırkı prezident Rəcəb Tayyib Ərdoğanı dəstəkləyəcək.
Oğanın seçimini qətiləşdirməsində terrorla mübarizə məsələlərində Cümhur İttifaqının Millət İttifaqından daha dəqiq konsepsiyaya malik olmasının rol oynadığı vurğulanıb.
Qeyd edək ki, türkiyəli aparıcı Fateh Altaylı Sinan Oğanın hansı namizədi dəstəkləyəcəyi ilə bağlı sabah açıqlama verəcəyini bildirib.
