Misir prezidenti Əbdülfəttah əs-Sisi və Ukrayna prezidenti Volodimir Zelenski Ukraynadakı son hadisələri və qlobal ərzaq təhlükəsizliyi böhranını müzakirə ediblər.
Elchi.az xarici mediaya istinadən bildirir ki, Sisi və Zelenski arasında telefon danışığı olub.
Görüş zamanı qlobal ərzaq təhlükəsizliyi sahəsində baş verən hadisələr, eləcə də Ukraynada sahə və humanitar səviyyədə olan məsələlər müzakirə edilib. Dialoq və diplomatik həllə üstünlük verilməli olduğunu vurğulayan Sisi, Rusiya-Ukrayna böhranının siyasi həllini sürətləndirmək üçün bütün səylərin danışıqlar yolu ilə dəstəklənəcəyini bildirib.
Başda Afrika olmaqla dünyanın bir çox xalqının ərzaq böhranından əziyyət çəkdiyini qeyd edən prezidentlər taxıl ixracı müqaviləsinin uzadılması istiqamətində davam edən səyləri də müzakirə ediblər.
Qeyd edək ki, illik buğda ehtiyacının 80 faizini idxal edən Misir dünyada ən çox buğda idxal edən ölkədir. Kənd Təsərrüfatı Nazirliyinin məlumatlarına görə, keçən il 13,3 milyon ton buğda idxal edən Misirin ən böyük tədarükçüsü 8,96 milyon ton ilə Rusiya olub.
Taxıl Dəhlizi Sazişi
Türkiyə iki ölkə (Rusiya-Ukrayna) ilə diplomatik təşəbbüslərlə yanaşı, qlobal ərzaq böhranına səbəb olan taxıl daşınması üçün də vasitəçilik səylərini davam etdirib.
Bu çərçivədə, Birləşmiş Millətlər Təşkilatı (BMT) və Türkiyənin vasitəçiliyi sayəsində 22 iyul 2022-ci ildə İstanbulda Taxıl Dəhlizi Sazişi imzalandı. Türkiyə Prezidenti Rəcəb Tayyib Ərdoğanın gərgin diplomatiyası sayəsində 120 günlük müddətdən sonra razılaşma noyabrın 17-də yenidən uzadılıb.
Yeganə
