Monqolustanda meditasiya edən bir rahibin mumyalanmış bədəni aşkarlanıb
Monqolustanda 200 il əvvəl meditasiya edən bir rahibin mumiyalanmış bədəni aşkarlanıb.
ANS PRESS-in məlumatına görə, rahibin bədəninin çürümədəyi və onun hələ də canlı olduğu iddia edilir. Oturan vəziyyətdə aşkarlanan Lamanın (Tibetli rahib) mumyası Monqolustanın Sonqino Xairxan rayonunda aşkarlanıb.
200 il əvvəl meditasiyaya başlayan rahibin bədəni hələ də yaşayır. Bu iddianın sahibi isə monqolustanlı buddist alimlərdir. Onların iddiasına görə, rahib “lotus” duruşunda oturub və həmin duruşun mənaları var.
Mükəmməl şəkildə qorunmuş qalıqların mütəxəssislər tərəfindən hələ də araşdırıldığı deyilir. Mumiyanın əslində, hələ dərin meditasiyada olduğu və “tukda” deyilən çox xüsusi bir ruhi mərhələdə olduğu ehtimal edilir.
“Tukda” deyilən ruhi proses rahibin gerçək bir budda olmaqdan bir addım uzaqda olduğu mərhələdir. Mumyalaşmış bədənin tibetli bir buddist müəllimə aid olduğu güman edilir.
ANS PRESS
