Almaniya kansleri Olaf Şolts Avropa Birliyinin (AB) Rusiyaya qarşı üzərində işlədiyi 11-ci sanksiya paketinin sonuncu olmadığını, digər sanksiya paketlərinin hazırlanacağını bildirib.
Elchi.az xəbər verir ki, Şolts Avropa Günü ilə əlaqədar Strasburqda Avropa Parlamentinin (AP) Baş Assambleyasının sessiyasında çıxış etməzdən əvvəl mətbuata açıqlama verib.
AB-nin Rusiyaya qarşı sanksiya rejiminin daha da inkişaf etdirilməsini qiymətləndirdiklərini ifadə edən Şolts, 11-ci sanksiya paketinin davamının olacağını bildirib.
Sanksiyaların davamlılıq tələb etdiyini və bunun üzərində çalışdıqlarını xatırladan Şolts, “Növbəti sanksiyalar paketi (11-ci) sonuncu olmayacaq” deyib.
Avropa Komissiyası dünən Rusiyaya qarşı 11-ci sanksiya paketi təklifinin üzv ölkələrə göndərildiyini, əsas diqqətin sanksiyaların tətbiqi, effektivliyi və nüfuzunun qarşısının alınmasına yönəldiyini açıqlayıb.
Bu mərhələdə yeni sanksiyalar paketinin çərşənbə günü Avropa İttifaqı Şurasında üzv ölkələrin Daimi Nümayəndələr Komitəsində (COREPER) müzakirəsi gözlənilir.
Aİ-nin yeni sanksiya paketi təklifi, o cümlədən bəzi Çin şirkətləri Rusiyaya hərbi məqsədlər üçün istifadə oluna biləcək avadanlıqlar təmin etdiyi əsası ilə mətbuata sızıb.
Aİ indiyədək Rusiyaya qarşı 10 sanksiya paketi tətbiq edib.
Bu çərçivədə Rusiyaya ticarət, maliyyə, enerji, o cümlədən neft və kömür, sənaye, texnologiya, nəqliyyat, ikili və dəbdəbəli mallar və qızılla bağlı geniş məhdudiyyətlər tətbiq edildi. Mindən çox insanın və 200-ə yaxın qurumun aktivləri dondurulub.
Şayəstə Hüseynova
