Almaniya kansleri Olaf Şolts Ukrayna prezidenti Vladimir Zelenski ilə telefon danışığı aparıb.
Elchi.az xəbər verir ki, Almaniya hökumətinin sözçüsü Steffen Hebestreit yazılı açıqlamada, görüşdə Ukraynadakı siyasi, hərbi və humanitar vəziyyətin müzakirə edildiyini bildirib.
Bəyanatda, kansler Şoltsun Rusiyanın Ukraynadakı mülki hədəflərə qarşı son hava hücumlarını pislədiyi və Rusiyanın təcavüzü qarşısında Ukrayna ilə həmrəy olduğunu təkrarladığı bildirilib.
Vurğulanıb ki, Şolts görüşdə Almaniyanın Avropa və beynəlxalq tərəfdaşlarla sıx koordinasiya şəraitində Ukraynaya dəstəyini, o cümlədən hərbi dəstəyi davam etdirəcəyini bəyan edib.
Zelenski isə Rusiyanın Ukrayna şəhərlərinə və kritik infrastruktura son aviazərbələri haqqında məlumat verərək, Almaniya hökumətinə xüsusilə Ukraynanın hava hücumundan müdafiə sisteminin gücləndirilməsində göstərdiyi hərbi dəstəyə görə təşəkkür edib.
İki lider konstruktiv məsləhətləşmələri davam etdirməyə və xüsusilə də sülh yolu ilə həllə ümumi dəstək məqsədilə sıx əlaqə saxlamağa razılaşıblar.
Nuranə Məmmədova
