Almaniya kansleri Olaf Şolz Ukraynaya və onun ətrafındakı münaqişəyə təsir edəcək mümkün xoşagəlməz qərarlar barədə xəbərdarlıq edib .
Elchi.az RİA Novosti-yə istinadən xəbər verir ki, o, bu barədə Avstriyada keçirdiyi mətbuat konfransında bildirib.
Scholz Avstriya kansleri Karl Nehammer ilə birgə mətbuat konfransında deyib: “Avropadakı bu müharibə bizdən öz ideyalarımızı tənqidi şəkildə düşünməyi, həmçinin narahatedici qərarlar qəbul etməyə hazır olmağı tələb edir”.
O, həmçinin bildirib ki, Almaniya əvvəllər başqa ölkələrə silah tədarük etməyib, lakin Ukrayna ilə bağlı vəziyyətdə bu ənənəni pozub. Rəsmi məlumata görə, Berlin lazım olduğu müddətdə Kiyevə siyasi, maliyyə, eləcə də hərbi dəstək verməyə davam edəcək .
Bundan əvvəl Almaniyanın Yaşıllar Partiyasının lideri Omid Nuripur ölkə hökumətini Ukrayna Silahlı Qüvvələrinə “Taurus” qanadlı raketlərinin tədarükü ilə bağlı tezliklə qərar qəbul etməyə çağırıb . Onun sözlərinə görə, Kiyevin əlavə hərbi resurslara ciddi ehtiyacı var.
Nuranə Məmmədova
