Gələn ildən etibarən Somali prezidenti və digər rəsmiləri birbaşa səsvermə yolu ilə seçəcək.
Elchi.az bu barədə News.am-a istinadən xəbər verir.
İslam qiyamının və zəif dövlət strukturlarının nəticəsi olan geniş yayılmış qeyri-sabitlik şəraitində son illərdə qanunvericilər prezidentə səs verir, klan başçıları və ağsaqqallar şuraları isə həm federal hökumətdə, həm də regional ştatlarda qanunvericiləri seçirdilər.
Ölkənin ilkin olaraq 2020-ci ildə ümumi seçki hüququna qayıtması planlaşdırılırdı, lakin siyasətçilər arasında davam edən fraksiyaçılıq və ölkə daxilində davam edən qeyri-sabitlik hökuməti dolayı səsverməni saxlamağa məcbur etdi.
“Gələn ildən etibarən seçkilər hər beş ildən bir “bir nəfər, bir səs” prinsipi ilə keçiriləcək”, – deyə bəyanatda deyilir.
Baş nazir postu ləğv ediləcək.
“Baş nazir vəzifəsi ləğv edilərək prezident üsul-idarəsi ilə əvəz olunacaq, bu halda prezident və vitse-prezident vahid siyahı üzrə birbaşa xalq tərəfindən seçiləcək”, – deyə elanda deyilir.
Qərar prezident Həsən Şeyx Məhəmmədin sədrliyi ilə paytaxt Moqadişoda keçirilən 4 günlük iclasın nəticəsi olaraq qəbul edilib. Elana görə, seçkilərdə yalnız iki siyasi partiyanın iştirakına icazə veriləcək.
Yeganə
