İsveç Türkiyə qarşısında götürdüyü bütün öhdəlikləri yerinə yetirib və NATO-ya daxil olmağa tam hazırdır. Elchi.az TASS-a istinadən xəbər verir ki, bunu Alyansın baş katibi Yens Stoltenberq deyib.
“İsveç terrorla mübarizəni genişləndirmək üçün bütün öhdəliklərini yerinə yetirdi, konstitusiyasını və qanunlarını dəyişdirdi, Türkiyəyə silah tədarükünə icazə verdi və indi onun yaxın gələcəkdə alyansa qoşulmasını gözləyirəm”, – deyə baş katib bildirib.
O, həmçinin Türkiyə prezidenti Rəcəb Tayyib Ərdoğanla danışdığını və İsveçin hərbi bloka daxil olması ilə bağlı protokolu imzaladığına görə ona təşəkkür etdiyini bildirib.
Bundan əvvəl Stoltenberq alyans ölkələrinə göndərdiyi məktubda bildirmişdi ki, İsveç alyans ölkələrinin xarici işlər nazirlərinin toplantısının keçiriləcəyi noyabrın sonundan gec olmayaraq NATO-ya daxil olmalıdır.
Havar Şəfiyeva
