Stoltenberq: Qərb bir vaxtlar Rusiyadan asılı olduğu kimi Çindən asılı olmamalıdır.
Elchi.az xəbər verir ki, NATO-nun baş katibi Yens Stoltenberq deyib ki, Qərb ölkələri bir vaxtlar neft və qaz tədarükü məsələlərində Rusiya ilə olduğu kimi Çindən asılı olmamalıdır. Onun sözlərini Reuters agentliyi sitat gətirir.
“Keçmişdə biz Rusiya neftindən və qazından asılı olmaq kimi səhvə yol vermişik. Çinlə bu səhvi təkrarlamamalıyıq. Onun pulundan, xammalından, texnologiyasından asılılıq bizi həssas edir”, – Stoltenberq bildirib.
O, həmçinin qeyd edib ki, Pekin Qərb ölkələri ilə yaxşı münasibətlər saxlamaq istəyirsə, Ukrayna münaqişəsində Rusiyaya dəstəyi dayandırmalıdır.
Bundan əvvəl ABŞ-ın NATO-dakı daimi nümayəndəsi Culian Smit bildirmişdi ki, Çin Rusiyanı maliyyə cəhətdən dəstəklədiyi üçün Ukraynadakı münaqişə ilə bağlı situasiyada neytral mövqe iddia edə bilməz.
O, ABŞ-ın Moskvanı ikili təyinatlı mallarla təmin edərək Çindən Rusiyaya getdikcə daha çox maddi dəstək gördüyünü vurğulayıb. Smit hesab edir ki, Pekinin köməyi olmasaydı, Rusiya “tamamilə fərqli vəziyyətə düşər və problemlər yaşayardı”.
Şayəstə Hüseynova
