Sumqayıtın mərkəzində yerləşən İnşaatçılar küçəsində vəziyyət acınacaqlıdır. Asfalt örtüyü olmayan yollar yağışın yağması ilə gölməçəyə dönüb. Sakinlər küçənin yollarından, həm də ötən əsrin 40-ci illərindən qalmış taxta evlərin yararsız vəziyyətdə olmasından narazıdırlar.
1970-ci ildən burada yaşayan Sevil Nəbiyeva deyir ki, taxta evlərin tavanları çürüyüb, yağış suları evlərin içinə damır:“Kanalizasiya sistemi demək olar ki, mövcud deyil. Bu barədə aidiyyatı orqanlara nə qədər məlumat versək də, heç bir nəticəsi yoxdur”.
Sakinlər yolların bərbad vəziyyətdə olmasından və gediş-gəlişin çətinliyindən bezərək, bu küçəni öz aralarında “Sumqayıtın Kamçatkası” adlandırırlar. Onlar deyirlər ki,“şəhərin mərkəzində olsaq da, ucqar dağ kəndində yaşayan insanlardan daha pis vəziyyətdə yaşayırıq”.
Bütün bunlar haqqında daha ətraflı aşağıda təqdim etdiyimiz videosujetdən izləyə bilərsiniz.
Məğrur Salmanov
