Ermənistanın baş naziri Nikol Paşinyan süni intellektin gələcəyini son dərəcə cəlbedici hesab edir. Paşinyan həmçinin süni intellektin faydalı və məsuliyyətli şəkildə inkişaf etdirilməli və istifadə edilməli olduğunu vurğulayıb.
Elchi.az-ın News.am-a istinadən xəbərinə görə, Paşinyan bu barədə iyunun 9-da Soçidə keçirilən Avrasiya Konqresindəki çıxışında bildirib.
O, xüsusilə qeyd edib:
“Qlobal səviyyədə bərabər iqtisadi rəqabətin təmin edilməsinin əsas komponenti qabaqcıl rəqəmsal alətlərin və texnologiyaların effektiv inkişafıdır.
Xüsusilə, sürətlə inkişaf edən və insan həyatının bir çox sahələrini dəyişə bilən süni intellektə toxunmaq istəyirəm. Mütəxəssislər, süni intellekt alqoritmlərinin gələcəkdə daha çox fərdiləşəcəyini, təcrübə və xidmətlərin fərdi seçimlər əsasında uyğunlaşdırılmasına imkan verəcəyini və süni intellektin daha da təkmilləşəcəyini və cəmiyyətə daha çox inteqrasiya edəcəyini proqnozlaşdırırlar.
Bütövlükdə, süni intellektin gələcəyi son dərəcə cəlbedicidir, lakin etik nəticələri nəzərə almaq və süni intellektin məsuliyyətli və faydalı şəkildə inkişaf etdirilməsini və istifadəsini təmin etmək vacibdir.
Eyni zamanda, unutmaq olmaz ki, yeniliklər ilk növbədə onları yaradan insanlar, onların yaradıcı enerjisi və iradəsidir, ona görə də insan potensialının inkişafı böyük əhəmiyyət kəsb edir”.
Yeganə
