Bu gündən avtomobillərə pərdə və jalüz vurmağa icazə verilir. Bu qərar noyabrın 15-dək qüvvədə qalacaq.
Elchi.az xəbər verir ki, şüşələrə yalnız sənaye üsulu ilə hazırlanan jalüz və pərdələr vurula bilər.
Avtomobillərə plyomkaların vurulması isə qadağandır. Nəqliyyat vasitələrinin ban şüşələrinə qanunla tətbiqinə icazə veriləməyən örtüklərin çəkilməsinə görə isə sürücülər 150 manat miqdarında cərimə olunacaqlar.
AZS Standartına əsasən avtomobilin ön şüşəsinin şəffaflığı minumum 75 faiz, qabaq yan şüşələr 70 faiz, arxa yan şüşələr isə 60 faiz olmalıdır. Bu qaydalara riayət etməyənlərin avtomobili cərimə meydançasına aparılacaq. Yalnız şüşələr standartlara qaytarıldıqdan sonra onun istifadəsinə icazə veriləcək.
