“Tam (11 illik) orta təhsil bazasında orta ixtisas təhsili müəssisələrinin boş qalan plan yerlərinə qəbul elan edilir.
Bu yaxşı. 2 oktyabrda sənəd qəbulu bitir, ondan sonra da qəbul olanların elektron qaydada qeydiyyatdan keçməsi, əmrlərinin qəbul olduqları müəssisələrə göndərilməsi hardasa 15 oktyabra qədər çəkəcək”.
Elchi.az xəbər verir ki, bu barədə təhsil üzrə ekspert Kamran Əsədov FB hesabında qeyd edib:
“15 oktyabrda dərsə başlayan tələbə nə öyrənəcək? Qış sessiyasında imtahanı necə verəcək?
Bir aydır dərslər başlayıb, bu tələbələr bir ay sonra prosesə qoşulacaq.
Ümumiyyətlə, tədris prosesi ilə bağlı təqvim düzgün deyil. Artıq pandemiya bitib, hər şey normal axarında davam edir.
Bütün pillələrə qəbul prosesi avqustun sonunda bitməlidir.
Ali təhsil müəssisələrinə boş qalan plan yerlərinə ikinci ixtisas seçimi də kolleclər kimi qeydiyyat bitəndən sonra olmalıdır ki, imtina olunmuş plan yerlərinə təkrar seçim ədalətli olsun”.
Şayəstə
