Masallı rayonunda bədbəxt hadisə bir nəfərin həyatına son qoyub.ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, hadisə rayonun Təzə Alvadı kəndində yerləşən təkər təmiri sexində baş verib.
Orada işləyən Əkbər Musayev “KamAZ” markalı avtomobilinin təkərini təmir edərkən təkərdən çıxan dəmir parçası ona dəyib.
Ağır yaralanan Əkbər Musayev xəstəxanaya yerləşdirilib. Lakin həkimlər onun həyatını xilas edə bilməyiblər.
Faktla bağlı araşdırma aparılır.
