Mayın 10-11-də İstanbulda Taxıl Dəhlizi sazişi üzrə dördtərəfli görüş keçiriləcək.
Elchi.az Haber Global-a istinadən xəbər verir:
22 iyul 2022-ci ildə imzalanmış və 120 gün qüvvədə olan Qara Dəniz Taxıl Dəhlizi Sazişinin müddəti 19 noyabr 2022-ci ildə 120 gün uzadılıb. 19 mart 2023-cü ildə edilən açıqlamalarla müqavilənin qüvvədə olma müddətinin yenidən uzadıldığı bildirilib. Bu açıqlamalarda uzadılma müddətində qeyri-müəyyənliyin olduğu görünür. Ukrayna rəsmiləri razılaşmanın 120 gün, Rusiya rəsmiləri isə 60 gün uzadıldığını bildirib. Türkiyə Cümhuriyyəti və Birləşmiş Millətlər Təşkilatı (BMT) rəsmiləri bu məsələ ilə bağlı açıqlama verməyiblər. Beləliklə, Qara Dəniz Taxıl Dəhlizi Sazişinin davamlılığı üçün təhlükə yaranmış kimi görünür.
Rusiya rəsmiləri razılaşmanın 120 gün əvəzinə 60 gün uzadılmasının Rusiyanın prosesdən tam razı qalmadığının göstəricisi kimi qəbul edilməli olduğunu bəyan ediblər. Rusiyanın BMT-dəki (BMT) Daimi Nümayəndəsi Vasili Nebenzia mart ayında Avropa İttifaqı (Aİ), Amerika Birləşmiş Ştatları (ABŞ) və Böyük Britaniyanın Qara dəniz taxılını əldə etmək üçün Rusiyaya qarşı sanksiyaları barədə açıqlama vermişdi. Rusiya səlahiyyətlilərinin verdiyi açıqlamalara görə, müqavilə çərçivəsində Rusiya taxıl və gübrə məhsullarının ixracına icazə verilsə də, Qərb ölkələrinin tətbiq etdiyi sanksiyalar nəticəsində, bu ölkə üçün lazım olan gəmilərin tapılmasında çətinliklər yaranıb. Bu çətinliklərə görə Rusiyanın taxıl və gübrə ixracında ciddi problemləri olduğunu bəyan edib. Rusiyanın yaşadığı bu problemlərin aradan qaldırılması sazişin davamlılığı üçün böyük əhəmiyyət kəsb edir.
Nuranə Məmmədova
