Tayvan Müdafiə Nazirliyi səhvən Çinin raket hücumu ilə bağlı hava hücumu xəbərdarlığı elan edib. Elchi.az xəbər verir ki, bu barədə Tayvanın “CNA” agentliyi məlumat yayıb.
Qeyd olunur ki, hava hücumu xəbərdarlığına səbəb Çinin raket daşıyıcısının peyklə birlikdə ada dövləti üzərində uçuşu olub.
“Çin hava məkanının cənub hissəsindən uçan bir peyk buraxdı. İctimaiyyətdən tədbir görmələrini xahiş edirik. Naməlum obyektlər tapsanız, dərhal polisə və xilasetmə xidmətlərinə məlumat verin”, –deyə nəşr Tayvan Müdafiə Nazirliyinin elanından sitat gətirir.
Əvvəllər Tayvan Müdafiə Nazirliyinin birgə əməliyyatların planlaşdırılması departamentinin rəis müavini Vanq Jiajun Çindən gələn hər bir şarın vurulması ideyasından imtina etmişdi. Onun sözlərinə görə, bu, Çin hökumətinin gözlədiyi sursat israfıdır.
Havar Şəfiyeva
