Çinlə mübarizə aparmaq üçün Tayvan Ukraynadakı münaqişədən dərs almalıdır. Elchi.az xəbər verir ki, bunu Almaniyanın “Zeit” qəzetinə müsahibəsində Tayvanın Baş Qərargahının keçmiş rəisi, admiral Li Simin deyib.
Onun fikrincə, Ukrayna münaqişəsi döyüş iradəsinin nə qədər vacib olduğunu göstərir, çünki nominal olaraq daha zəif tərəf üstün qüvvələrə müqavimət göstərə bilər.
“Ancaq mənim üçün daha vacib bir dərs asimmetrik müharibənin əhəmiyyətidir. Ukraynanın Rusiya kimi imkanları yoxdur. O, tankların, gəmilərin, təyyarələrin və raketlərin sayına görə aşağıdır”.
Tayvanlı admiral qeyd edib ki, silah sistemləri onların geostrateji mövqeyini nəzərə alaraq Tayvan üçün həlledicidir. O vurğulayıb ki, çoxlu sayda qırıcıdan çox az fayda var, çünki onların hamısı işləyən uçuş-enmə zolaqlarına arxalanır.
Qeyd edək ki, bundan əvvəl Bloomberg analitikləri Çin Xalq Azadlıq Ordusunun Tayvan adasındakı genişmiqyaslı əməliyyatının dünya iqtisadiyyatı üçün nəticələrini 10 trilyon dollar dəyərində qiymətləndirilib.
Havar Şəfiyeva
