Türkiyənin Tunceli rayon polis idarəsinə bir qrup terrorçu tərəfindən hücum edilib.
Musavat.com-un məlumatına görə, terrorçular polis idarəsinə atəş açııb. Nəticədə əsgərlərlə terrorçular arasında atışma baş verib. Təxminən yarım saat davam edən atışma terrorçuların meşəyə qaçması ilə başa çatıb. Hadisə bu gün səhər saatlarında baş verib.
Bundan sonra iki helikopter havaya qalxıb və terrorçuların qaçdığı yerləri bombalayıb. Bombardmandan sonra meşənin bəzi yerlərində yanğın başlayıb.
