Ukraynanın şərqindəki “Vostok” (“Şərq”) silahlı qruplaşmasının komandiri Aleksandr Xodakovski Ukraynanın 
ərazi bütövlüyünün tərəfdarı olduğunu bildirib.
Musavat.com-un UNİAN-a istinadən verdiyi xəbərə görə, “Vostok” döyüşçüləri hələ “Donetsk Xalq Respublikası” yaradılana qədər Donbasda olublar və onların çoxu vahid Ukraynanın tərəfdarıdır. “Şəxsən mən özüm də istəmirəm ki, Ukrayna parçalansın”, – deyə tabor komandiri bildirib.
Qeyd edək ki, Ukrayna ordusunun separatçılara qarşı uğurlu əməliyyatları fonunda bu, ilk belə bəyanatdır. Görünür, terrorçuların özləri də mübarizənin mənasız olduğunu, Moskvadan kömək gəlməyəcəyini başa düşməyə başlayıblar. Odur ki, indidən öz cəzalarını yumşaltmaq barədə düşünmək qərarı veriblər.
