“Ölkədəki sosial problemlər günbəgün artır. Ancaq görünən odur ki, bu tək bizdə deyil. Bütün dünyada problemlər artır.
Məsələn, ingiltərədə şirkətlər ixtisarlara gedir”.
Elchi.az xəbər verir ki, bu barədə siyasi şərhçi Həşim Səhrablı FB hesabında qeyd edib:
“Afrikanın Şərqində aclıqdan ölüm nisbəti 48 saniyədə bir baş verirsə, ekspertlər bu rəqəmin 36 saniyəyə enəcəyi barədə xəbərdarlıq edib.
Fransa, Almaniya kimi ölkələr enerjidən istifadədə qənaət rejimi üzərində çalışır. Türkiyə, Rusiyadakı inflyasiya göz qabağındadır.
Sürətlə texnologiyalaşan dünyada sürətlə ac qalmaq isə, tərs mütənasiblik təşkil edir.
Tarixin bütün mərhələlərində texnologiya inkişaf etdikcə insanların günlük həyatı yaxşılaşıb. Ancaq artıq texnologiyanın inkişafı insan həyatını yaxşılaşdırmır, əksinə, məhvə aparır.
Məsələn, ağır sənaye bir yandan, yüngül sənayedəki kapital maraqlar digər tərəfdən. Sanki təbiətin təbii gücü texnologiyanın həddindən artıq inkişafını doğru hesab etmir və bu təbii enerji insanlığı cəzalandırır.
Əslində, özü də cəzalandırmır, insanın öz əli ilə özünü məhv edir.
İnsanlıq isə, soyunun məhvə doğru getdiyinin fərqində deyil.
Təkii: IPhone-nun yeni seriyaları çıxsın və kredit götürüb telefon alaq, təki maşın bazarı canlansın maşın alıb sürmək lazımdır, təki almanı bazardan alıb hansısa sünii sortlardan göstəriş xatirinə yeyək, amma öz həyətlərimizi gözəl görünmək üçün daş ayaqaltılarla örtək vəs.
Bu sırada isə, kapital dünyanın başındakılar daha möhtəşəm sonluğu yaxınlaşdırır: bir nüvə silahı kifayətdir ki, geniş bir ərazidə on minlərlə insan ölsün və təbiətimizin o hissəsi əsrlərlə radiasiyadan əziyyət çəkib, məhv olsun.
Durum ciddidir. Mən cinə-şeytana inanmıram, ancaq olmasını böyük “kaş ki” deyərək istəyərdim. Yenə Həzrətabbasaqqı insanlığın gəldiyi əzazil durumdansa, onlar daha insaflı olardılar…”.
Şayəstə
