“Rusiya və Cənubi Osetiya arasında imzalanan müqavilə beynəlxalq hüququn kobud şəkildə pozulmasıdır”.
Axar.az xəbər verir ki, bu açıqlamanı Gürcüstanın Xarici İşlər Nazirliyi yayıb.Məlumatda hazırkı addımın 2008-ci ildə Rusiya tərəfindən Gürcüstan torpaqlarının işğal edilməsindən sonra davam edən aqressiya olduğu bildirilib:
“Cənubi Osetiya ilə müqavilə imzalamaqla Rusiya Sxinvali regionunun anneksiyasını həyata keçirməyə çalışır. Qeyd etmək istəyirik ki, adı çəkilən müqaviləyə əsasən Cənubi Osetiyaya hərbi müdaxilə Rusiyaya hərbi müdaxilə hesab edilir. Bu isə BMT-nin tələblərinə tam ziddir. Bir daha bəyan edirik ki, Cənubi Osetiya Gürcüstanın ayrılmaz hissəsidir.
Ona görə də Rusiyanın hərəkətləri aqressiya, işğalçılıq və de-fakto anneksiyanı əks etdirir. Gürcüstan dünya ictimaiyyətini Rusiyanın hərəkətlərinə lazımı reaksiya verməyə çağırır”.
