İranın Lorestan vilayətində torpaq və dağ sürüşməsi nəticəsində 147 kəndlə əlaqə kəsilib.
Elchi.az Trend-ə istinadən xəbər verir ki, bunu polis şöbəsinin rəisi, polkovnik Abbas Məhəmmədi deyib.
A.Məhəmmədinin sözlərinə görə, təbii fəlakət nəticəsində 300 metr yol dağılıb, dağın çaya doğru sürüşməsi suyun səviyyəsinin qalxmasına səbəb olub.
Polis rəisi 21 min nəfərlik əhalinin rayon mərkəzi ilə əlaqəsinin tam şəkildə kəsildiyini deyib:
“4 kənd daşqın təhlükəsi ilə üzləşib. Sürüşmə nəticəsində bağlanmış çayda su axınının qarşısı açılmazsa, bölgəyə ciddi şəkildə iqtisadi ziyan dəyə bilər”.
