ABŞ-ın keçmiş prezidenti Donald Tramp Rusiya, Çin və Şimali Koreya liderlərini “ən yaxşı oyunçu” adlandırıb.
Elchi.az xəbər verir ki, Tramp “Fox News”da aparıcı Taker Karlsonla müsahibəsində deyib ki, onların amerikalı həmkarları heç vaxt belə olmayıblar.
Trampın müsahibəsinin fraqmentləri “Vesti FM” radiosunun “Full Contact” proqramında və “Watch” platformasında nümayiş etdirilib.
Tramp qeyd edib ki, o, Rusiya prezidenti Vladimir Putini “çox ağıllı”, Çin prezidenti Si Cinpini “parlaq”, Şimali Koreya lideri Kim Çen İni “ən yaxşı” hesab edir. Sabiq prezident deyib ki, onun hər kəslə əla şəxsi münasibəti var.
Tramp daha sonra demokratların 2016-cı il seçkilərinə müdaxilə ilə bağlı təhqiqata başlamaqla ABŞ və Rusiyanın qarşılıqlı faydalı işini pozmasından təəssüfləndiyini bildirib.
“Mənim onunla çox yaxşı münasibətim var idi. Amma saxta Rusiya təhqiqatı səbəbindən bu, çox çətin idi. Dəhşətli idi. Bu, xəyanət idi”, – Tramp izah edib.
Amerikanın pul və başqa şeyləri, Rusiyanın isə gözəl mineralları var. “Biz Rusiya ilə çox yaxşı anlaşa bilərdik” deyən Tramp davam etdi: “Onlar bunu uydurdular, Rusiya ilə mövcud olmayan problem yaratdılar. Və bunun olmadığını etiraf etdilər”.
Trampın fikrincə, istintaqı aparanlar həbs edilməli idi. Keçmiş prezident Ukrayna haqda danışarkən deyib ki, Putin bu ölkəni sevir. Eyni zamanda Tramp Rusiyanın Ukrayna ərazisini almasına imkan verməzdi.
“Mən gördüm ki, o, onu sevir və Rusiyanın bir hissəsi hesab edir. Mən ona dedim ki, prezident olduğum müddətdə bu baş verməyəcək”.
Tramp həmçinin Amerika lideri Co Baydenin 2024-cü ildə yenidən seçilə biləcəyinə inanmadığını deyib.
Yeganə
