ABŞ-ın keçmiş prezidenti Donald Tramp ölkədə İsrailin “Dəmir Qübbə” raketdən müdafiə sisteminin analoqunu yaratmağa söz verib. Elchi.az xəbər verir ki, bu barədə “NBC News” məlumat verir.
Tramp bunu Nyu-Hempşirdə Respublikaçılar Partiyasının praymerizləri zamanı deyib. O, ölkənin bütün ərazisini raketdən müdafiə sistemi ilə əhatə etmək istədiyini vurğulayıb.
Siyasətçi onu da qeyd edib ki, ölkə mütəmadi olaraq digər ölkələrə hərbi yardım üçün pul ayırır, lakin özünü raket hücumlarından hərtərəfli müdafiə ilə təmin etməyib. O əlavə edib ki, Birləşmiş Ştatlar qabaqcıl müdafiə sistemlərinə malik olmalıdır.
Havar Şəfiyeva
