Elchi.az xəbər verir ki, qlobal siyasətdə bir çox dəyişikliklərin baş verdiyi bir vaxtda Avropada xüsusilə təhlükəsizliklə bağlı yeni müzakirələr ön plana çıxır. O qədər ki, Tramp yenidən prezident olarsa, Avropa ABŞ-sız NATO ilə tək qalmaq perspektivi ilə üzləşib. NATO daha da genişləndikcə, Avropa bu təhlükəsizlik təşkilatı üçün daha çox məsuliyyət daşımalıdır.
ABŞ prezidenti Donald Tramp prezidentliyi dövründə adını açıqlamadığı bir NATO ölkəsinin liderindən “Borclarımızı ödəyə bilməsək və Rusiya bizə hücum etsə, nə edəcəksiniz?” sualını verib. Ona cavab olaraq “Biz sizi qorumağa gəlməyəcəyik. Hətta Rusiyanı istədiyini etməyə təşviq edərdim” deyib.
Tramp prezident olduğu müddətdə xəbərdarlıq edib ki, “NATO-ya üzvlüklə bağlı hesablaşma aparılmalıdır”; O, alyansı ölkələrin ümumi daxili məhsulunun 2 faizini müdafiəyə xərcləməklə bağlı verdiyi vədləri yerinə yetirməyə çağırıb.
Trampın son açıqlamalarından sonra ABŞ Senatında Respublikaçılar Partiyasını təmsil edən Cənubi Karolina senatoru Lindsey Graham dəstək bəyanatı verib və müdafiə büdcəsi ÜDM-in 2 faizindən aşağı olan ölkələrin NATO-dan xaric edilməsinə çağırıb.
Şayəstə Hüseynova
