ABŞ-ın keçmiş prezidenti Donald Tramp 2021-ci ildə Kapitoliya hücumunda oynadığı rola baxmayaraq, prezidentliyə namizəd ola bilər.
Elchi.az Apnews.com-a istinadən xəbər verir ki, bu barədə Miçiqan məhkəməsi qərar verib.
Keçmiş prezidentin ştatın ilkin seçki bülletenində qalacağı bildirilir.
Minnesota məhkəməsi daha əvvəl oxşar qərar qəbul etmişdi. Bildirilir ki, ABŞ Konstitusiyasının dövlətə qarşı fitnə və ya üsyanda iştirak etmiş keçmiş məmurların Konqresin hər iki palatasının təsdiqi olmadan seçkilərdə iştirakını qadağan edən 14-cü düzəliş əsasında Trampın seçki bülletenindən çıxarılmasına cəhd edilib.
Minnesota kimi onlar da eyni düzəlişi əsas gətirərək Trampı Miçiqan ştatında ilkin seçki bülletenindən kənarlaşdırmağa çalışıblar, lakin məhkəmə eks-prezidenti siyahıda saxlamaq qərarına gəlib.
Xatırladaq ki, Donald Trampın tərəfdarları 2021-ci il yanvarın 6-da Kapitolinin binasına soxulublar. Hadisə nəticəsində 4 nəfər ölüb.
Yeganə
