Türk dünyasını Azərbaycana yönəltməliyik

Sovetlər vaxtında rüşvət hər yerdə olduğu kimi təhsili də bürümüşdü. Ali məktəblərdə və texnikumlarda
rüşvətxorluğun başında isə ədəbiyyat və Azərbaycan dili müəllimləri dururdu.Çünki bütün fakültələrdə bu fəndən qəbul imtahanı salınırdı və həmişə də bu imtahan sonuncu olduğundan tələbələrin taleyi, “konkursa” düşməsinlər deyə onların yazdıqları qiymətdən asılı olurdu .Hətta texniki fakültələrdə bəzən öz ixtisas fənlərindən yüksək qiymət alanlar pul vemədikləri üçün onların ,(təbiiki vicdanlı müəllimləri çıxmaq şərti ilə) qurbanına çevrilirdi.1988 -ci illər hadisələri zamanı ,yəni Xalq hərəkatı zamanı harda qatı kommunistlər vardı dönüb oldular demokratlar,əməllibaşlı rüşvət alanlar,oldular tərtəmiz, hətta erməniylə qohumluğu olanlar dönüb elə “millətçi ” oldular ki,adamın ayağından yer qaçırdı.Südü,qanı təmiz türk olanlar onların yanında yazıq kimi görünürdü.Belə adamların çoxunu o vaxtlar da,bəzilərini isə sonralar hərəkat iştirakçıları yaxşı bilirdi,ama o möhtəşəm hərəkata xələl gəlməsin deyə çoxumuz susurduq. Sözümün canı ondadır ki,bəzən oğru elə qışqırır ki,doğrudan da az qalır doğrunun bağrı çatlasın.Nə qədər istəyirsən susasan,axırda yenə də dözmək olmur,vallah deməsən adam partlamaq həddinə çatır.Ay qardaş illərlə kommunist partiyasının biletini cibində gəzdirən,hər yerdə “mən kommunistəm” deyib bağıran dönüb demokrat olursa,ömrü boyu Lenin babasını bu millətin uşaqlarına baba kimi təqdim edən,lenin ideyalarını,kommunizm ideyalarını təbliğ edən bir gecənin içində dönüb “milli plitoloq” olursa,ömtü boyu rüşvət alan durub (təbiiki,bəziləri sovet vaxtından öz şəraitlərini əla düzəltmişdilər) təmizlikdən danışırsa,erməniynən qohum olub milliyətçi olursa,onda görən bizlər kimik.Vallah biz utanırıq,bunlarda bir utanan üz olacaqmı? Bəzi insanlar var idi ki,yuxarıda dediyim kimi adını ziyalı, müəllim qoyub ,o vaxtlar hər il qəbul imtahanından pul qazandılar,keyf çəkdilər,xalq hərəkatı başlananda bir təhər soxuldular Elçibəyin ətrafına,oldular “milli təəsübkeşlər”,işləri düz gəlməyəndə,millətin və Vətənin çətin günündə isə aradan cırıb hərəsi bir ölkəyə qaçırlar,sonra da ordan bu xalqa dərs keçirlər.Əhsən belə millətsevərliyə.Elə canınız yanır buyurun Vətənə,bu xalq necə yaşayırsa elə yaşayın,onun yaxşı yaşaması üçün bir iş görün,düz yolda deyilsə düşün qabağa,onda deyərəm bərəkallah.Həm də elə bir zamanda ki,biz bütün azərbacanlıları,bütün Türk dünyasını əməliynən,fikriynən Azərbaycana yönəltməliyik,çünki bizim Qarabağ kimi bir dərdimiz var!