“Fərat qalxanı” əməliyyatının 17-cü günündə İŞİD tankımıza hücum təşkil edərək, 3 əsgərimizi şəhid etdi.
Axar.az xəbər verir ki, bu barədə Türkiyə Silahlı Qüvvələrinin “Fərat qalxanı” ilə bağlı açıqlamasında deyilib.
“Əməliyyatın 17-ci günündə Suriyanın Rai bölgəsinin Tell Hava kəndi yaxınlığında İŞİD terrorçularının raketlə tankımızı hədəf alması nəticəsində 3 hərbçimiz şəhid olub, 1-i isə yaralanıb. Beləliklə, əməliyyatın başlandığı ilk gündən bəri PYD və İŞİD hücumlarında şəhid olan türk əsgərlərin sayı 7-yə çatıb”.
Qeyd edək ki, Türkiyə “Fərat qalxanı” əməliyyatına 24 avqustda start verib.
