Türkiyənin xarici işlər naziri Çavuşoğlu bildirib ki, İsveç memorandumun şərtlərini yerinə yetirmək üçün ciddi addımlar atmayıb.
Elchi.az xəbər verir ki, Türkiyə, İsveç və Finlandiya arasında NATO-ya üzvlüklə bağlı üçtərəfli danışıqların hazırda mənası yoxdur, ona görə də qeyri-müəyyən müddətə təxirə salınıb, Xarici işlər naziri Mövlud Çavuşoğlu bildirib.
“Bu şərtlər daxilində üçtərəfli danışıqlar mənasızdır. Mexanizmin mahiyyəti nədir? Memorandumun şərtlərini vaxtında yerinə yetirməkdən ibarətdir. Amma hazırkı vəziyyət çətin ki, danışıqlar üçün zəruri olan sağlam atmosfer yaratsın”, – Çavuşoğlu bildirib.
Onun sözlərinə görə, İsveç müxtəlif səbəblər, xüsusən də qanunlarda və konstitusiyada dəyişiklikləri əsas gətirərək memorandumun şərtlərini yerinə yetirmək üçün ciddi addımlar atmayıb. Bu baxımdan XİN rəhbəri əmindir, “mexanizm”in işindən danışmağın mənası yoxdur.
Xatırladaq ki, Türkiyə prezidenti Rəcəb Tayyib Ərdoğan Stokholmdakı qalmaqallı aksiyalardan sonra İsveçin NATO-ya müraciətində Ankaranın dəstəyinə daha ümid edə bilməyəcəyini bildirib.
Şayəstə
