İki həftədir davam edən “Fərat qalxanı” əməliyyatları çərçivəsində Azad Suriya Ordusu (ASO) daha 3 kəndi İŞİD-dən azad edib.
Axar.az xəbər verir ki, azad edilən ərazilərdə möhkəmlənən Türkiyə ordusunun ağır artilleriyası Əl Bab bölgəsinə doğru genişmiqyaslı hərbi əməliyyatlara hazırlaşır.
Bu arada ASO-ya dəstək verən Türkiyə təyyarələri Cerablus və Çobanbəy arasındakı Havayük dağındakı İŞİD mövqelərinə hava zərbələri endirib.
Qeyd edək ki, əməliyyatlar başlanan gündən indiyə qədər 98 kvadrat kilometr ərazi terrorçulardan təmizlənib.
