Türkiyənin Mardin əyalətinin Nusaybin rayonunda keçirilən antiterror əməliyyatı nəticəsində terrorçu PKK-nın 21 silahlısı məhv edilib.
“Report” “Anadolu” agentliyinə istinadən xəbər verir ki, bu haqda Mardin əyalətinin valiliyi məlumat yayıb.
Məlumata görə, əməliyyat nəticəsində 3 terrorçu tutulub.
Terrorçulardan 2 min 800 kq partlayıcı maddə müsadirə edilib.
“Nusaybin rayonunda terrorçuların qazaraq, barrikada kimi istifadə etdiyi 114 xəndək doldurulub. Terrorçular tərəfindən iki dinc sakin öldürülüb, 6-sı yaralanıb. Əməliyyat zamanı bir polis əməkdaşı yüngül xəsarət alıb”, – deyə məlumatda bildirilib.
