Türkiyə Derincə limanında baş verən partlayışın nəticələrini qiymətləndirib. Elchi.az xəbər verir ki, bu barədə TASS məlumat yayıb.
Türkiyə prezidenti Rəcəb Tayyib Ərdoğanın administrasiyası limanda saxlanılan ərzaqların təxminən 20 faizinin yararsız olduğunu bildirir.
Həmçinin administrasiya 8 milyon ton taxılın məhv edilməsi barədə məlumatı spekulyasiya adlandırıb, çünki limanda ümumilikdə 75 min ton taxıl saxlanılıb.
Qeyd edək ki, avqustun 7-də Mərmərə dənizindəki limanın yaxınlığında partlayış baş verib. Derincə Türkiyənin ən böyük limanlarından biridir və müxtəlif yüklərin daşınması üzrə ixtisaslaşıb, bundan əlavə taxıl, metal məmulatları, kömür, neft və konteynerlər buradan daşınır.
Havar Şəfiyeva
