“Azərbaycanla birlikdə bu haqsızlığın bərpası üçün əlimizdən gələni edəcək”
“Dağlıq Qarabağ problemi də Azərbaycanın ərazi bütövlüyü çərçivəsində həll olunmalıdır”.
ANS PRESS-in məlumatına görə, bu bəyanatı Türkiyənin Azərbaycandakı səfiri Alper Çoşkun səsləndirib.
“Biz onsuzda Minsk qrupunun üzvüyük. Həm Minsk qrupunun üzvü olaraq, həm də qonşu ölkə olaraq bu məsələnin ən qısa zamanda həll olunmasından yanayıq. Gələcəkdə nələr olacağını indidən demək imkanımız yoxdur”.
Səfir həmsədrliklə bağlı rəsmi bir müzakirənin olmadığını da deyib.
O, deyib ki, Türkiyə harada olmasından asılı olmayaraq Azərbaycanla birlikdə bu haqsızlığın bərpa edilməsi üçün əlindən gələni edəcək.
ANS PRESS
